RegisterIn order to login you must be registered. Registering takes only a few moments but gives you increased capabilities. The board administrator may also grant additional permissions to registered users. Before you register please ensure you are familiar with our terms of use and related policies. Please ensure you read any forum rules as you navigate around the board. Terms of use | Privacy policy Register 세종실록(1446)에 수록된 훈민정음 서문과 예의 원문을
훈민정음 서문 원문 御製曰 國之語音異乎中國與文字不相流通 故愚民有所欲言 而終不得伸其情者多矣 언해 솅조ᇰᅌᅥᆼ젱 훈민져ᇰᅙᅳᆷ(世宗御製 訓民正音) 훈민정음 예의 원문 ㄱ 牙音 如君字初發聲
竝書 如虯字初發聲 ㅋ 牙音 如快字初發聲 ᅌ 牙音 如業字初發聲 ㆍ 如呑字中聲 ㅡ 如卽字中聲 ㅣ 如侵字中聲 終聲復用初聲 언해 ㄱᄂᆞᆫ 엄쏘리니 군(君)ㄷᄍᆞᆼ(字)처ᅀᅥᆷ 펴아나ᄂᆞᆫ 소리 ᄀᆞᄐᆞ니 ㆍᄂᆞᆫ ᄐᆞᆫ(呑)ㄷᄍᆞᆼ(字) 가온ᄃᆡᆺ 소리 ᄀᆞᄐᆞ니라 냉쥬ᇰ(乃終)ㄱ소리ᄂᆞᆫ 다시 첫 소리ᄅᆞᆯ ᄡᅳᄂᆞ니라
훈민정음 언해는 매우 귀중한 문헌이지만 위키문헌 ― 우리 모두의 도서관. 世솅〮宗조ᇰ御ᅌᅥᆼ〮製졩〮訓훈〮民민正져ᇰ〮音ᅙᅳᆷ 製졩〮ᄂᆞᆫ〮글〮지ᅀᅳᆯ〮씨〮니〮御ᅌᅥᆼ〮製졩〮ᄂᆞᆫ〮님〯금〮지〯ᅀᅳ샨〮그〮리라〮訓훈〮은〮ᄀᆞᄅᆞ칠〮씨〮오〮民민ᄋᆞᆫ〮百ᄇᆡᆨ〮姓셔ᇰ〮이〮오〮音ᅙᅳᆷ은〮소리〮니〮訓훈〮民민正져ᇰ〮音ᅙᅳᆷ은〮百ᄇᆡᆨ〮姓셔ᇰ〮ᄀᆞᄅᆞ치〮시논〮正져ᇰ〮ᄒᆞᆫ소리〮라〮國귁〮之징語ᅌᅥᆼ〯音ᅙᅳᆷ이〮 國귁〮ᄋᆞᆫ〮나라〮히라〮之징ᄂᆞᆫ〮입〮겨〮지라〮語ᅌᅥᆼ〯는말〯ᄊᆞ미라〮 나랏〮말〯ᄊᆞ미〮異잉〮乎ᅘᅩᆼ中듀ᇰ國귁〮ᄒᆞ〮야〮 異잉〮ᄂᆞᆫ〮다ᄅᆞᆯ씨라乎ᅘᅩᆼᄂᆞᆫ〮아〯모〮그ᅌᅦᄒᆞ〮논겨〮체ᄡᅳ〮는字ᄍᆞᆼ〮ㅣ라〮中듀ᇰ國귁〮ᄋᆞᆫ〮皇ᅘᅪᇰ帝뎽〮겨〯신나라〮히니〮우〮리〮나랏〮常쌰ᇰ談땀애〮江가ᇰ南남이〮라〮ᄒᆞ〮ᄂᆞ〮니라〮中듀ᇰ國귁〮에〮달아〮 與영〯文문字ᄍᆞᆼ〮로〮不부ᇙ〮相샤ᇰ流류ᇢ通토ᇰᄒᆞᆯᄊᆡ〮 與영〯는〮이〮와〮뎌〮와〮ᄒᆞ〮ᄂᆞᆫ겨〮체ᄡᅳ〮ᄂᆞᆫ字ᄍᆞᆼ〮ㅣ라〮文문은〮글〮와〮리라〮不부ᇙ〮은〮아니〮ᄒᆞ〮논ᄠᅳ〮디라〮相샤ᇰᄋᆞᆫ〮서르ᄒᆞ〮논ᄠᅳ〮디라〮流류ᇢ通토ᇰᄋᆞᆫ〮흘러〮ᄉᆞᄆᆞᄎᆞᆯ〮씨〮라〮 文문字ᄍᆞᆼ〮와〮로〮서르ᄉᆞᄆᆞᆺ디〮아니〮ᄒᆞᆯᄊᆡ〮故공〮로〮愚ᅌᅮᆼ民민이〮有ᅌᅮᇢ〯所송〯欲욕〮言ᅌᅥᆫᄒᆞ〮야도〮 故공〮ᄂᆞᆫ〮젼ᄎᆡ〮라〮愚ᅌᅮᆼ는〮어릴〮씨〮라〮有ᅌᅮᇢ〯는이실씨〮라〮所송〯ᄂᆞᆫ〮배〮라〮欲욕〮ᄋᆞᆫ〮ᄒᆞ고〮져〮ᄒᆞᆯ씨〮라〮言ᅌᅥᆫ은〮니를씨〮라〮이〮런젼ᄎᆞ〮로〮어린〮百ᄇᆡᆨ姓셔ᇰ〮이〮니르고〮져〮호ᇙ〮배〮이셔〮도〮而ᅀᅵᆼ終쥬ᇰ不부ᇙ〮得득〮伸신其끵情쪄ᇰ者쟝〯ㅣ多당矣ᅌᅴᆼ〯라〮 予영ㅣ爲윙〮此ᄎᆞᆼ〯憫민〯然ᅀᅧᆫᄒᆞ〮야〮 予영는〮내〮ᄒᆞ〮ᅀᆞᆸ시〮논ᄠᅳ〮디〮시니〮라〮此ᄎᆞᆼ〯ᄂᆞᆫ〮이〮라〮憫민〯然ᅀᅧᆫ은〮어〯엿비〮너기〮실씨〮라〮내〮이〮ᄅᆞᆯ〮爲윙〮ᄒᆞ〮야〮어〯엿비〮너겨〮新신制졩〮二ᅀᅵᆼ〮十씹〮八바ᇙ〮字ᄍᆞᆼ〮ᄒᆞ〮노니〮 新신ᄋᆞᆫ〮새〮라〮制졩〮ᄂᆞᆫ〮ᄆᆡᇰᄀᆞ〮ᄅᆞ〮실씨〮라〮二ᅀᅵᆼ〮十씹〮八바ᇙ〮ᄋᆞᆫ〮스〮믈〮여들〮비라〮새〮로〮스〮믈〮여듧〮字ᄍᆞᆼ〮ᄅᆞᆯ〮ᄆᆡᇰᄀᆞ〮노니〮欲욕〮使ᄉᆞᆼ〯人ᅀᅵᆫ人ᅀᅵᆫᄋᆞ〮로〮易잉〮習씹〮ᄒᆞ〮야〮便뼌於ᅙᅥᆼ日ᅀᅵᇙ〮用요ᇰ〮耳ᅀᅵᆼ〯니라〮 使ᄉᆞᆼ〯ᄂᆞᆫ〮ᄒᆡ〯ᅇᅧ〮ᄒᆞ〮논마〮리라〮人ᅀᅵᆫᄋᆞᆫ〮사〯ᄅᆞ〮미라〮易잉〮ᄂᆞᆫ〮쉬〯ᄫᅳᆯ씨〮라〮習씹〮ᄋᆞᆫ〮니길〮씨〮라〮便뼌은〮便뼌安ᅙᅡᆫᄒᆞᆯ씨〮라〮於ᅙᅥᆼ는〮아〯모〮그ᅌᅦᄒᆞ〮논겨〮체ᄡᅳ〮는字ᄍᆞᆼ〮ㅣ라〮日ᅀᅵᇙ〮ᄋᆞᆫ〮나〮리라〮用요ᇰ〮ᄋᆞᆫ〮ᄡᅳᆯ〮씨〮라〮耳ᅀᅵᆼ〯ᄂᆞᆫ〮ᄯᆞᄅᆞ미〮라〮ᄒᆞ〮논ᄠᅳ〮디라〮 사〯ᄅᆞᆷ마〯다〮ᄒᆡ〯ᅇᅧ〮수〯ᄫᅵ〮니겨〮날〮로〮ᄡᅮ〮메〮便뼌安ᅙᅡᆫ킈〮ᄒᆞ고〮져〮ᄒᆞᇙᄯᆞᄅᆞ미〮니라〮ㄱᄂᆞᆫ〮牙ᅌᅡᆼ音ᅙᅳᆷ이〮니〮如ᅀᅧᆼ君군ㄷ字ᄍᆞᆼ〮初총發버ᇙ〮聲셔ᇰᄒᆞ니〮並뼈ᇰ〮書셩ᄒᆞ면〮如ᅀᅧᆼ虯뀨ᇢㅸ字ᄍᆞᆼ〮初총發버ᇙ〮聲셔ᇰᄒᆞ니〮라〮 牙ᅌᅡᆼᄂᆞᆫ〮어〯미라〮如ᅀᅧᆼ는〮ᄀᆞ〮ᄐᆞᆯ씨〮라〮初총發버ᇙ〮聲셔ᇰ은〮처〮ᅀᅥᆷ펴〮아〮나〮ᄂᆞᆫ소리〮라〮並뼈ᇰ〮書셩는〮ᄀᆞᆯᄫᅡ〮쓸〮씨〮라〮ㄱᄂᆞᆫ〮엄〯쏘리〮니〮君군ㄷ字ᄍᆞᆼ〮처〮ᅀᅥᆷ펴〮아〮나〮ᄂᆞᆫ소리〮ᄀᆞ〮ᄐᆞ니〮ᄀᆞᆯᄫᅡ〮쓰〮면〮虯뀨ᇢㅸ字ᄍᆞᆼ〮처〮ᅀᅥᆷ펴〮아〮나〮ᄂᆞᆫ소리〮ᄀᆞ〮ᄐᆞ〮니라〮ㅋᄂᆞᆫ〮牙ᅌᅡᆼ音ᅙᅳᆷ이〮니〮如ᅀᅧᆼ快쾡〮ㆆ字ᄍᆞᆼ〮初총發버ᇙ〮聲셔ᇰ니〮라〮 ㅋᄂᆞᆫ〮엄〯쏘리〮니〮快쾡〮ㆆ字ᄍᆞᆼ〮처〮ᅀᅥᆷ펴〮아〮나〮ᄂᆞᆫ소리〮ᄀᆞ〮ᄐᆞ〮니라〮ㆁᄂᆞᆫ〮牙ᅌᅡᆼ音ᅙᅳᆷ이〮니〮如ᅀᅧᆼ業ᅌᅥᆸ〮字ᄍᆞᆼ〮初총發버ᇙ〮聲셔ᇰ니〮라〮 ㆁᄂᆞᆫ〮엄〯쏘리〮니〮業ᅌᅥᆸ〮字ᄍᆞᆼ〮처〮ᅀᅥᆷ펴〮아〮나〮ᄂᆞᆫ소리〮ᄀᆞ〮ᄐᆞ〮니라〮ㄷᄂᆞᆫ〮舌쎠ᇙ〮音ᅙᅳᆷ이〮니〮如ᅀᅧᆼ斗두ᇢㅸ字ᄍᆞᆼ〮初총發버ᇙ〮聲셔ᇰᄒᆞ니〮並버ᇙ〮書셩ᄒᆞ면〮如ᅀᅧᆼ覃땀ㅂ字ᄍᆞᆼ〮初총發버ᇙ〮聲셔ᇰᄒᆞ니〮라〮 舌쎠ᇙ〮은〮혜〮라〮ㄷᄂᆞᆫ〮혀〮쏘리〮니〮斗두ᇢㅸ字ᄍᆞᆼ〮처〮ᅀᅥᆷ펴〮아〮나〮ᄂᆞᆫ소리〮ᄀᆞ〮ᄐᆞ니〮ᄀᆞᆯᄫᅡ〮쓰〮면〮覃땀ㅂ字ᄍᆞᆼ〮처〮ᅀᅥᆷ펴〮아〮나〮ᄂᆞᆫ소리〮ᄀᆞ〮ᄐᆞ〮니라〮ㅌᄂᆞᆫ〮舌쎠ᇙ〮音ᅙᅳᆷ이〮니〮如ᅀᅧᆼ呑ᄐᆞᆫㄷ字ᄍᆞᆼ〮初총發버ᇙ〮聲셔ᇰᄒᆞ니〮라〮 ㅌᄂᆞᆫ〮혀〮쏘리〮니〮呑ᄐᆞᆫㄷ字ᄍᆞᆼ〮처〮ᅀᅥᆷ펴〮아〮나〮ᄂᆞᆫ소리〮ᄀᆞ〮ᄐᆞ〮니라〮ㄴᄂᆞᆫ〮舌쎠ᇙ〮音ᅙᅳᆷ이〮니〮如ᅀᅧᆼ那낭ㆆ字ᄍᆞᆼ〮初총發버ᇙ〮聲셔ᇰᄒᆞ니〮라〮 ㄴᄂᆞᆫ〮혀〮쏘리〮니〮那낭ㆆ字ᄍᆞᆼ〮처〮ᅀᅥᆷ펴〮아〮나〮ᄂᆞᆫ소리〮ᄀᆞ〮ᄐᆞ〮니라〮ㅂᄂᆞᆫ〮脣쓘音ᅙᅳᆷ이〮니〮如ᅀᅧᆼ彆벼ᇙ〮字ᄍᆞᆼ〮初총發버ᇙ〮聲셔ᇰᄒᆞ니〮並버ᇙ〮書셩ᄒᆞ면〮如ᅀᅧᆼ歩뽕ㆆ字ᄍᆞᆼ〮初총發버ᇙ〮聲셔ᇰᄒᆞ니〮라〮 脣쓘은〮입시우〮리라〮ㅂᄂᆞᆫ〮입시울〮쏘리〮니〮彆벼ᇙ〮字ᄍᆞᆼ〮처〮ᅀᅥᆷ펴〮아〮나〮ᄂᆞᆫ소리〮ᄀᆞ〮ᄐᆞ니〮ᄀᆞᆯ〮ᄫᅡ〮쓰〮면〮歩뽕ㆆ字ᄍᆞᆼ〮처〮ᅀᅥᆷ펴〮아〮나〮ᄂᆞᆫ소리〮ᄀᆞ〮ᄐᆞ〮니라〮ㅍᄂᆞᆫ〮脣쓘音ᅙᅳᆷ이〮니〮如ᅀᅧᆼ漂표ᇢㅸ字ᄍᆞᆼ〮初총發버ᇙ〮聲셔ᇰᄒᆞ니〮라〮 ㅍᄂᆞᆫ〮입시울〮쏘리〮니〮漂표ᇢㅸ字ᄍᆞᆼ〮처〮ᅀᅥᆷ펴〮아〮나〮ᄂᆞᆫ소리〮ᄀᆞ〮ᄐᆞ〮니라〮ㅁᄂᆞᆫ〮脣쓘音ᅙᅳᆷ이〮니〮如ᅀᅧᆼ彌밍ㆆ字ᄍᆞᆼ〮初총發버ᇙ〮聲셔ᇰᄒᆞ니〮라〮 ㅁᄂᆞᆫ〮입시울〮쏘리〮니〮彌밍ㆆ字ᄍᆞᆼ〮처〮ᅀᅥᆷ펴〮아〮나〮ᄂᆞᆫ소리〮ᄀᆞ〮ᄐᆞ〮니라〮ㅈᄂᆞᆫ〮齒칭〯音ᅙᅳᆷ이〮니〮如ᅀᅧᆼ卽즉〮字ᄍᆞᆼ〮初총發버ᇙ〮聲셔ᇰᄒᆞ니〮並버ᇙ〮書셩ᄒᆞ면〮如ᅀᅧᆼ慈ᄍᆞᆼㆆ字ᄍᆞᆼ〮初총發버ᇙ〮聲셔ᇰᄒᆞ니〮라〮 齒ᄂᆞᆫ〮니〮라〮ㅈᄂᆞᆫ〮니〮쏘리〮니〮卽즉〮字ᄍᆞᆼ〮처〮ᅀᅥᆷ펴〮아〮나〮ᄂᆞᆫ소리〮ᄀᆞ〮ᄐᆞ니〮ᄀᆞᆯ〮ᄫᅡ〮쓰〮면〮慈ᄍᆞᆼㆆ字ᄍᆞᆼ〮처〮ᅀᅥᆷ펴〮아〮나〮ᄂᆞᆫ소리〮ᄀᆞ〮ᄐᆞ〮니라〮ㅊᄂᆞᆫ〮齒칭〯音ᅙᅳᆷ이〮니〮如ᅀᅧᆼ侵침ㅂ字ᄍᆞᆼ〮初총發버ᇙ〮聲셔ᇰᄒᆞ니〮라〮 ㅊᄂᆞᆫ〮니〮쏘리〮니〮侵침ㅂ字ᄍᆞᆼ〮처〮ᅀᅥᆷ펴〮아〮나〮ᄂᆞᆫ소리〮ᄀᆞ〮ᄐᆞ〮니라〮ㅅᄂᆞᆫ〮齒칭〯音ᅙᅳᆷ이〮니〮如ᅀᅧᆼ戌슈ᇙ〮字ᄍᆞᆼ〮初총發버ᇙ〮聲셔ᇰᄒᆞ니〮並버ᇙ〮書셩ᄒᆞ면〮如ᅀᅧᆼ邪썅ㆆ字ᄍᆞᆼ〮初총發버ᇙ〮聲셔ᇰᄒᆞ니〮라〮 ㅅᄂᆞᆫ〮니〮쏘리〮니〮戌슈ᇙ〮字ᄍᆞᆼ〮처〮ᅀᅥᆷ펴〮아〮나〮ᄂᆞᆫ소리〮ᄀᆞ〮ᄐᆞ니〮ᄀᆞᆯ〮ᄫᅡ〮쓰〮면〮邪썅ㆆ字ᄍᆞᆼ〮처〮ᅀᅥᆷ펴〮아〮나〮ᄂᆞᆫ소리〮ᄀᆞ〮ᄐᆞ〮니라〮ㆆᄂᆞᆫ〮喉ᅘᅮᇢ音ᅙᅳᆷ이〮니〮如ᅀᅧᆼ挹ᅙᅳᆸ〮字ᄍᆞᆼ〮初총發버ᇙ〮聲셔ᇰᄒᆞ니〮라〮 喉ᅘᅮᇢ는〮모기〮라〮ㆆᄂᆞᆫ〮목소리〮니〮挹ᅙᅳᆸ〮字ᄍᆞᆼ〮처〮ᅀᅥᆷ펴〮아〮나〮ᄂᆞᆫ소리〮ᄀᆞ〮ᄐᆞ〮니라〮ㅎᄂᆞᆫ〮喉ᅘᅮᇢ音ᅙᅳᆷ이〮니〮如ᅀᅧᆼ虛헝ㆆ字ᄍᆞᆼ〮初총發버ᇙ〮聲셔ᇰᄒᆞ니〮並버ᇙ〮書셩ᄒᆞ면〮如ᅀᅧᆼ洪ᅘᅩᇰㄱ字ᄍᆞᆼ〮初총發버ᇙ〮聲셔ᇰᄒᆞ니〮라〮 ㅇᄂᆞᆫ〮喉ᅘᅮᇢ音ᅙᅳᆷ이〮니〮如ᅀᅧᆼ欲욕〮字ᄍᆞᆼ〮初총發버ᇙ〮聲셔ᇰᄒᆞ니〮라〮 ㅇᄂᆞᆫ〮목소리〮니〮欲욕〮字ᄍᆞᆼ〮처〮ᅀᅥᆷ펴〮아〮나〮ᄂᆞᆫ소리〮ᄀᆞ〮ᄐᆞ〮니라〮ㄹᄂᆞᆫ〮半반〮舌쎠ᇙ〮音ᅙᅳᆷ이〮니〮如ᅀᅧᆼ閭령ㆆ字ᄍᆞᆼ〮初총發버ᇙ〮聲셔ᇰᄒᆞ니〮라〮 ㄹᄂᆞᆫ〮半반〮혀〮쏘리〮니〮閭령ㆆ字ᄍᆞᆼ〮처〮ᅀᅥᆷ펴〮아〮나〮ᄂᆞᆫ소리〮ᄀᆞ〮ᄐᆞ〮니라〮ㅿᄂᆞᆫ〮半반〮齒칭〯音ᅙᅳᆷ이〮니〮如ᅀᅧᆼ穰ᅀᅣᇰㄱ字ᄍᆞᆼ〮初총發버ᇙ〮聲셔ᇰᄒᆞ니〮라〮 ㅿᄂᆞᆫ〮半반〮니〮쏘리〮니〮穰ᅀᅣᇰㄱ字ᄍᆞᆼ〮처〮ᅀᅥᆷ펴〮아〮나〮ᄂᆞᆫ소리〮ᄀᆞ〮ᄐᆞ〮니라〮ㆍᄂᆞᆫ〮如ᅀᅧᆼ呑ᄐᆞᆫㄷ字ᄍᆞᆼ〮中듀ᇰ聲셔ᇰᄒᆞ니〮라〮 中듀ᇰ은〮가온〮ᄃᆡ〮라〮 ㆍᄂᆞᆫ〮呑ᄐᆞᆫㄷ字ᄍᆞᆼ〮가온〮ᄃᆡᆺ〮소리〮ᄀᆞ〮ᄐᆞ〮니라〮ㅡᄂᆞᆫ〮卽즉〮字ᄍᆞᆼ〮中듀ᇰ聲셔ᇰᄒᆞ니〮라〮 ㅡᄂᆞᆫ〮卽즉〮字ᄍᆞᆼ〮가온〮ᄃᆡᆺ〮소리〮ᄀᆞ〮ᄐᆞ〮니라〮ㅣᄂᆞᆫ〮侵침ㅂ字ᄍᆞᆼ〮中듀ᇰ聲셔ᇰᄒᆞ니〮라〮 ㅣᄂᆞᆫ〮侵침ㅂ字ᄍᆞᆼ〮가온〮ᄃᆡᆺ〮소리〮ᄀᆞ〮ᄐᆞ〮니라〮ㅗᄂᆞᆫ〮洪ᅘᅩᇰㄱ字ᄍᆞᆼ〮中듀ᇰ聲셔ᇰᄒᆞ니〮라〮 ㅗᄂᆞᆫ〮洪ᅘᅩᇰㄱ字ᄍᆞᆼ〮가온〮ᄃᆡᆺ〮소리〮ᄀᆞ〮ᄐᆞ〮니라〮ㅏᄂᆞᆫ〮覃땀ㅂ字ᄍᆞᆼ〮中듀ᇰ聲셔ᇰᄒᆞ니〮라〮 ㅏᄂᆞᆫ〮覃땀ㅂ字ᄍᆞᆼ〮가온〮ᄃᆡᆺ〮소리〮ᄀᆞ〮ᄐᆞ〮니라〮ㅜᄂᆞᆫ〮君군ㄷ字ᄍᆞᆼ〮中듀ᇰ聲셔ᇰᄒᆞ니〮라〮 ㅜᄂᆞᆫ〮君군ㄷ字ᄍᆞᆼ〮가온〮ᄃᆡᆺ〮소리〮ᄀᆞ〮ᄐᆞ〮니라〮ㅓᄂᆞᆫ〮業ᅌᅥᆸ〮字ᄍᆞᆼ〮中듀ᇰ聲셔ᇰᄒᆞ니〮라〮 ㅓᄂᆞᆫ〮業ᅌᅥᆸ〮字ᄍᆞᆼ〮가온〮ᄃᆡᆺ〮소리〮ᄀᆞ〮ᄐᆞ〮니라〮ㅛᄂᆞᆫ〮欲욕〮字ᄍᆞᆼ〮中듀ᇰ聲셔ᇰᄒᆞ니〮라〮 ㅛᄂᆞᆫ〮欲욕〮字ᄍᆞᆼ〮가온〮ᄃᆡᆺ〮소리〮ᄀᆞ〮ᄐᆞ〮니라〮ㅑᄂᆞᆫ〮穰ᅀᅣᇰㄱ字ᄍᆞᆼ〮中듀ᇰ聲셔ᇰᄒᆞ니〮라〮 ㅑᄂᆞᆫ〮穰ᅀᅣᇰㄱ字ᄍᆞᆼ〮가온〮ᄃᆡᆺ〮소리〮ᄀᆞ〮ᄐᆞ〮니라〮ㅠᄂᆞᆫ〮戌슈ᇙ〮字ᄍᆞᆼ〮中듀ᇰ聲셔ᇰᄒᆞ니〮라〮 ㅠᄂᆞᆫ〮戌슈ᇙ〮字ᄍᆞᆼ〮가온〮ᄃᆡᆺ〮소리〮ᄀᆞ〮ᄐᆞ〮니라〮ㅕᄂᆞᆫ〮彆벼ᇙ〮字ᄍᆞᆼ〮中듀ᇰ聲셔ᇰᄒᆞ니〮라〮 ㅕᄂᆞᆫ〮彆벼ᇙ〮字ᄍᆞᆼ〮가온〮ᄃᆡᆺ〮소리〮ᄀᆞ〮ᄐᆞ〮니라〮終쥬ᇰ聲셔ᇰ은〮復뿌ᇢ〮用요ᇰ〮初총聲셔ᇰᄒᆞ〮ᄂᆞ〮니라〮 復뿌ᇢ〮는〮다시〮ᄒᆞ〮논ᄠᅳ〮디라〮乃냉〯終쥬ᇰᄀᅠ소리〮ᄂᆞᆫ〮다시〮처〮소리〮ᄅᆞᆯ〮ᄡᅳ〮ᄂᆞ〮니라〮ㅇᄅᆞᆯ連련書셩脣쓘音ᅙᅳᆷ之징下ᅘᅡᆼ〯ᄒᆞ면則즉〮爲ᅌᅱᆼ脣쓘輕켜ᇰ音ᅙᅳᆷᄒᆞ〮ᄂᆞ〮니라〮 連련은〮니ᅀᅳᆯ〮씨〮라〮下ᅘᅡᆼ〮ᄂᆞᆫ〮아래〮라〮則즉〮은〮아〯ᄆᆞ〮리ᄒᆞ면〮ᄒᆞ〮ᄂᆞᆫ겨〮체〮ᄡᅳ〮ᄂᆞᆫ字ᄍᆞᆼ〮ㅣ라爲ᅌᅱᆼᄂᆞᆫ〮ᄃᆞ욀씨〮라〮輕켜ᇰ은〮가ᄇᆡ〮야ᄫᆞᆯ〮씨〮라〮 ㅇᄅᆞᆯ〮입시울〮쏘리〮아래〮니ᅀᅥ〮쓰〮면〮입시울〮가ᄇᆡ〮야ᄫᆞᆫ〮소리〮ᄃᆞ외ᄂᆞ니〮라〮初총聲셔ᇰ을〮合ᅘᅡᆸ〮用요ᇰ〮호ᇙ〮디면〮則즉〮並버ᇙ〮書셩ᄒᆞ라〮終쥬ᇰ聲셔ᇰ도〮同또ᇰᄒᆞ니〮라〮 ㆍㅡㅗㅜㅛㅠ라〮附뿡〮書셩初총聲셔ᇰ之징下ᅘᅡᆼ〯ᄒᆞ고〮 附뿡〮는〮브틀〮씨〮라〮ㆍ와〮ㅗ와〮ㅜ와〮ㅛ와〮ㅠ와〮라〮처〮소리〮아래〮브텨〮쓰〮고〮ㅣㅏㅓㅑㅕ라〮附뿡〮書셩於ᅙᅥᆼ右ᅌᅮᇢ〯ᄒᆞ라〮. 右ᅌᅮᇢ〯는〮올〮ᄒᆞᆫ녀기〮라〮ㅣ와〮ㅏ와〮ㅓ와〮ㅑ와〮ㅕ와〮라〮와〮ᄒᆞᆫ녀긔〮브텨〮쓰〮라〮凡뻠字ᄍᆞᆼ〮ㅣ必비ᇙ〮合ᅘᅡᆸ〮而ᅀᅵᆼ成쎠ᇰ音ᅙᅳᆷᄒᆞ〮ᄂᆞ니〮 凡뻠은〮믈읫ᄒᆞ〮논ᄠᅳ〮디라〮必비ᇙ〮ᄋᆞᆫ〮모로〮매〮ᄒᆞ〮논ᄠᅳ〮디라〮成쎠ᇰ은〮일〯씨〮라〮믈읫字ᄍᆞᆼ〮ㅣ모로〮매〮어우〮러ᅀᅡ〮소리〮이〯ᄂᆞ니〮左장〯加강一ᅙᅵᇙ〮點뎜〯ᄒᆞ면〮則즉〮去컹〮聲셔ᇰ이〮오〮 左장〯ᄂᆞᆫ〮왼〯녀기〮라〮加강ᄂᆞᆫ〮더을씨〮라〮一ᅙᅵᇙ〮ᄋᆞᆫ〮ᆞᆫᄒᆞ나히〮라〮去컹聲셔ᇰ은〮ᄆᆞᆺ〮노ᄑᆞᆫ〮소리〮라〮왼〯녀긔〮ᄒᆞᆫ點뎜〯을〮더으면〮ᄆᆞᆺ〮노ᄑᆞᆫ〮소리〮오〮二ᅀᅵᆼ〮則즉〮上쌰ᇰ〯聲셔ᇰ이〮오〮 二ᅀᅵᆼ〮ᄂᆞᆫ〮둘〯히라〮上쌰ᇰ〯聲셔ᇰ은〮처〮ᅀᅥ미〮ᄂᆞᆺ갑〯고乃냉〯終쥬ᇰ이〮노ᄑᆞᆫ〮소리〮라〮點뎜〯이〮둘〯히면〮上쌰ᇰ〯聲셔ᇰ이〮오〮無뭉則즉〮平버ᇙ聲셔ᇰ이〮오〮 無뭉는〮업〯슬씨〮라〮平버ᇙ聲셔ᇰ은〮ᄆᆞᆺ〮ᄂᆞᆺ가ᄫᆞᆫ〮소리〮라〮 點뎜〯이〮업〯스면〮平펴ᇰ聲셔ᇰ이〮오〮入ᅀᅵᆸ〮聲셔ᇰ은〮加강點뎜〯이〮同또ᇰ而ᅀᅵᆼ促쵹〮急그〮ᄒᆞ니라 入ᅀᅵᆸ〮聲셔ᇰ은〮ᄲᆞᆯ리〮긋ᄃᆞᆮᄂᆞᆫ소리〮라〮促쵹〮急그〮은〮ᄲᆞᄅᆞᆯ씨〮라〮入ᅀᅵᆸ〮聲셔ᇰ은〮點뎜〯더우〮믄〮ᄒᆞᆫ가지〮로ᄃᆡ〮ᄲᆞᄅᆞ니〮라〮漢한〮音ᅙᅳᆷ齒칭〯聲셔ᇰ은〮有ᅌᅮᇢ〯齒칭〯頭뚜ᇢ正져ᇰ〮齒칭〯之징别벼ᇙ〮ᄒᆞ니〮 漢한〮音ᅙᅳᆷ은〮中듀ᇰ國귁〮소리〮라〮頭뚜ᇢ는〮머리〮라〮别벼ᇙ〮은〮ᄀᆞᆯᄒᆡᆯ〮씨〮라〮中듀ᇰ國귁〮소리〮예〮니〮쏘리〮ᄂᆞᆫ〮齒칭〯頭뚜ᇢ와〮正져ᇰ〮齒칭〯왜〮ᄀᆞᆯᄒᆡ〮요미〮잇ᄂᆞ니〮ᅎᅠᅔᅠᅏᅠᄼᅠᄽᅠ字ᄍᆞᆼ〮ᄂᆞᆫ〮用요ᇰ〮於ᅙᅥᆼ齒칭〯頭뚜ᇢᄒᆞ고〮 이〮소리〮ᄂᆞᆫ〮우〮리〮나라〮소리〮예셔〮열ᄫᅳ〮니〮혓〮그〮티〮웃니〮머리〮예〮다ᄔᆞ니〮라〮ᅎᅠᅔᅠᅏᅠᄼᅠᄽᅠ字ᄍᆞᆼ〮ᄂᆞᆫ〮齒칭〯頭뚜ᇢㅅ소리〮예〮ᄡᅳ〮고〮ᅐᅠᅕᅠᅑᅠᄾᅠᄿᅠ字ᄍᆞᆼ〮ᄂᆞᆫ〮用요ᇰ〮於ᅙᅥᆼ正져ᇰ〮齒칭〯ᄒᆞ〮ᄂᆞ니〮 이〮소리〮ᄂᆞᆫ〮우〮리〮나라〮소리〮예셔〮두터ᄫᅳ니〮혓〮그〮티〮아랫〮니〮므유메〮다ᄔᆞ니〮라〮ᅐᅠᅕᅠᅑᅠᄾᅠᄿᅠ字ᄍᆞᆼ〮ᄂᆞᆫ正져ᇰ〮齒칭〯ㅅ소리〮예〮ᄡᅳ〮ᄂᆞ니〮牙ᅌᅡᆼ舌쎠ᇙ〮脣쓘喉ᅘᅮᇢ之징字ᄍᆞᆼ〮ᄂᆞᆫ〮通토ᇰ用요ᇰ〮於ᅙᅥᆼ漢한〮音ᅙᅳᆷᄒᆞ〮ᄂᆞ〮니라〮 엄〯과〮혀〮와〮입시울〮와〮목소리〮옛〮字ᄍᆞᆼ〮ᄂᆞᆫ〮中듀ᇰ國귁〮소리〮예〮通토ᇰ히〮ᄡᅳ〮ᄂᆞ〮니라〮訓훈〮民민正져ᇰ〮音ᅙᅳᆷ 라이선스[편집] |